الكليات المتاحة لطلاب الثانوى المنازل

مواد اولى منازل

احبائي طلاب المرحلة الإعدادية سابقا مرحبا بكم الآن في مرحلة الثانوي العام، اكيد الطلبة اللى ناوية تدخل سنة اولى منازل السنة دى قلقانين  وبيقولوا ماهى مواد سنة أولى ثانوي منازل؟ وبصراحة انا عاذرهم في القلق ده لانها تعتبر مرحلة جديدة عليهم ومايعرفوش عنها اى حاجة، ده طبعا غير حكايات الرعب اللي بيسمعوها عن الثانوية العامة، عشان كده موقع مدرستنا التعليمي هنا عشان يطمنك ويقولك ماتقلقش هنعرفك كل حاجة عن مواد سنة أولى ثانوي منازل.

 مواد سنة أولى ثانوي منازل

في البداية ياشباب عاوزين نفتكر المواد اللي كنتم بتاخدوها في الاعدادية عشان من خلالها هنقدر نفهمكم طبيعة مواد سنة اولى ثانوي منازل، وطبعا مواد الاعدادية زي مانتم عارفين كانت مقسمة كاالآتي: عربي، انجليزي، رياضيات (جبر وهندسة)، دراسات، يعني خمس مواد اساسية، غير طبعا المواد التي لا تضاف للمجموع زي الدين والوطنية.

مواد أولى ثانوي منازل الاساسية

نيجي بقى لمواد سنة اولى ثانوي منازل وهنقسمها لثلاث اقسام  ، القسم الاولاني هو عبارة عن مواد كنت بتاخدها في تالتة اعدادي وهتكون زي ماهى في اولى ثانوي منازل وهى:

1. لغة عربية
2. لغة انجليزية ( اللغة الأجنبية الأولى)
3. رياضيات ( جبر وحساب مثلثات+ هندسة تحليلية)

القسم التاني  هيكون عبارة عن مواد انت  اخدتها في تالته اعدادي لكن هيتغير اسمها وشكلها في اولى ثانوي  زي مادة العلوم  مثلا هتنقسم لثلاثة فروع والدراسات لفرعين:

1. كيمياء
2. فيزياء
3. احياء
4. تاريخ
5. جغرافيا

نيجي بقى للقسم الاخير وهو عبارة عن مواد انت ماتعرفهاش اصلا جديدة عليك وماخدتهاش في الاعدادية وهى عبارة عن:

1. اللغة الفرنسة ( اللغة الاجنبية التانية وممكن تختار اى مادة تانية زي الالماني او الايطالي او غيره حسب المتوفر في المدرسة)
2. الفلسفة والمنطق

مواد أولى ثانوي منازل الغير أساسية

ونقصد هنا بالمواد الغير أساسية يعني مواد هتذاكرها طول السنة وهتكون مفروضة عليك وهتمتحن فيها  وكمان فيها رسوب ونجاح بس مجموعك مش يتأثر بيها ( عبث والله😊) طب لازمتها ايه ياناس حد يفهمنى؟ والمواد دي هي عبارة عن مادتين فقط  وهما :

التربية الدينية ( مع وجود انعدام في الدين والاخلاق داخل المدارس)

التربية الوطنية( مع انعدام الانتماء لمكان والوطن ولاى حاجة جوه مصر) مش بقولكم عبث😁

الخاتمة

قبل ما اسيبكم وامشي حابب اقولكم على حاجة مهمة جدا ، لو انت داخل ثانوي عام منازل وانت قلقان من كلمة منازل مش عاوزك تقلق خالص واعرف ان ربنا وفقك لاحسن نظام في الثانوي العام ، احسن من الثانوي العام النظامي والثانوي العام الخدمات، بس المهم انك ماتدلعش وتجتهد وتعرف كويس اوي ان الثانوي العام مش للعب ولا التهريج ولا لضربة الحظ.