منصة ذاكر الآن
اقتربت امتحانات الفصل الدراسى الاول للعام الدراسى 2022/2023 وزاد قلق الطلاب من قرب الموعد وخاصة طلاب الصف الاول الثانوى وبالأخص طلاب المنازل وذلك لعدم احقيتهم فى الحضور فى المدارس والاطلاع على احدث القرارات الوزارية الجديدة وطرق الامتحانات ، لذلك سنعرض فى هذه المقالة افضل طريقة مجربة للنجاح قبل الامتحانات.
 |
| منصة ذاكر الآن الطريق الى النجاح لثانوي منازل |
تختلف موعد امتحانات الفصل الدراسى الاول للعام الدراسى 2022/2023 للصف الاول والثانى الثانوى من محافظة لمحافظة اخرى على حسب استعداد كل محافظة ، فمثلا فى الاسكندرية تبدا يوم 10 يناير ،وفى الغربية تبدا يوم 14 يناير ، وفى الشرقية والدقهلية تبدا يوم 9 يناير ، وهكذا في كل محافظات الجمهورية.
جدول امتحانات اولى وتانية ثانوى:
ويختلف ايضا جدول امتحانات الصف الاول والثانى الثانوى من محافظة الى محافظة من حيث ترتيب المواد فهناك محافظات تكون فيها المواد الغير مضافة الى المجموع كالتربية الوطنية والدينية موضوعة فى الجدول قبل بداية المواد الاساسية ببضعة ايام ومحافظات اخرى تضع المواد الغير مضافة للمجموع فى نهاية الجدول بعد المواد الاساسية.
هذا الاختلاف فى ترتيب وضع الجدول من محافظة لاخرى ياتى حسب سياسة كل محافظ وكل وكيل وزارة داخل المحافظة وتتحكم فيه عوامل كثيرة لا اريد ان اتطرق اليها الان حتى لا نخرج عن موضوع المقالة الاساسى وهذا الاختلاف لا يؤثر على اداء الطالب من الناحية التحصيلية ولا يؤثر على نتائج الامتحانات.
لسه ماذاكرتش:
بعض الطلبة حتى وقت قراءة المقالة يعانون من بعض المشاكل فى بعض المواد اللى بيسموها (مواد تقيلة على القلب) مش عارفين يذاكروها اما عشان تراكمات واهمال فى المادة من اول السنة او بسبب ان المادة نفسها صعبة عليهم وبالتالى اهملوها ويأسوا منها ومش عارفين يعملوا فيها ايه.
طبعا احنا بنقول بعض المواد مش كل المواد لان الطالب اللى لسه ماذكرش اى مادة لحد دلوقت ده احسنله يسيب المقالة وما يكملهاش عشان الحل اللى هقولة مش هينفع معاه ، انا هنا بتكلم على بعض المواد واللى من اشهرها الكيمياء، والفيزياء، والاحياء، والرياضة ،لكن مادة الانجليزى هيكون لها مقالة خاصة لوحدها.
حل اسئلة كتير:
وانا طلب فى ثانوية عامة كانت عندى مادة الفيزياء لا افقه فيها اى شىء وكنت بكرها كره العمى، ومش عارف الاقى ليها مدخل يحببنى فيها ، وكان فاضل على امتحانات شهادة الثانوية العامة شهر واحد بس ، وكان على ايامنا اللى يسقط فى مادة بيعيد السنة كلها، مش زى دلوقت .
كان فيه مدرس فى المدرسة كنت بحب احكى معاه وكان عارف مشكلتى وحاول يساعدنى فيها بشتى الطرق علشان احبها لكن برضه فشل زي مانا فشلت واخر مازهق منى قالى بص بقى نت ماقدمكش غير حل اخير ، قولتله دلنى عليه ابوس ايدك ، قالى حل اسئلة كتير ، طبعا اتصدمت من الحل وابتسمت وقولتله احل ازاى وانا مش فاهم حاجة.
التعلم عن طريق المحاولة والخطأ:
ماكنش قدامى طريقة غير انى اسمع كلام المدرس اللى قالى ع النصيحة وخصوصا ان الوقت بيقرب وحرام اعيد السنة عشان المادة بنت ال.... وانا اصلا شاطر فى باقى المواد، المهم عشان ماطولش عليكم فضلت شهر كامل مابعملش حاجة فى حياتى غير انى احل اسئلة فى مادة الفيزياء ، يعنى اشوف السؤال واحفظ اجابته ومع التكرار والمحاولات الكتير حصلت المفاجأة.
المفاجأه:
المفاجأه بقى ياشباب انى دخلت امتحان الفيزياء وانا وان كلى يقين انى هعيد السنة بسبب هذه المادة ، وبمجرد ماشوفت ورقة الاسئلة لقيت ان 90% من الأسئلة الموجودة انا حليتها قبل كده ،وابتديت اجاوب على اد ماقدر وماسيبش سؤال فاضى لانى عارفها كلها لكن برضه ساعات الذاكرة بتخون الواحد فى بعض النقاط.
والحمد لله رب العالمين قدرت انى انجح فى المادة وكمان احصل فيها درجات مش بطالة ماكنتش احلم بيها اصلا ، عشان كدة حبيت انقل هذه التجربة لأحبائى طلاب المرحلة الثانوية بالتحديد علشان المنصة اللى هنحل عليها اسئلة كتير هى افضل منصة الكترونية على نظام الاسئلة الجديد ،وهى منصة ذاكر الان.
منصة ذاكر الآن:
منصة ذاكر الان هى منصة الكترونية تعليمية تم طرحها من وزارة التربية والتعليم المصرية فى عهد الدكتور طارق شوقى وزير التربية والتعليم السابق ، وكان الغرض منها انها تكون وسيلة لمحاربة الدروس الخصوصية ، لكن زى ماحنا عارفين ان الوزير ماقدرش يحقق الهدف منها ، لكن ده مش عيب فى المنصة لكن عيب فىنا احنا كطلاب وأولياء امور.
مميزات منصة ذاكر الآن:
ان اهم مايميز منصة ذاكر الآن نها لا تحتاج لانشاء حساب ولا تسجيل دخول مثل باقى المنصات الاخرى فبمجرد الدخول الى المنصة ستجد جميع المواد لجميع الصفوف بدون اى عناء ، والميزة الاهم وهى موضوع مقالتنا اليوم ان الطالب يستطيع ان يحل كم كبير من الاسئلة على كل درس فى اى مادة .
فبمجرد اختيار الصف الدراسى والمادة سيدخل الطالب الى كل الدروس الخاصة بالمادة ويختار الدرس الذى يريد حل اسئلة عليه ولكل درس هناك 25 سؤال يستطيع التدريب عليهم واذا اخطأ فى اى سؤال يتم تنبيهه مباشرة وتظهر له الاجابة الصحيحة للسؤال ، ومع التكرار والمحاولة والخطأ سيستطيع الطالب تجاوز العقدة لهذه المادة الصعبة.
الخلاصة:
منصة ذاكر الآن هى المنصة الوحيدة التى يستطيع اى طالب ثانوى الاعتماد عليها فى التدريب على حل الاختبارات قبل الامتحانات، ولمعرفة طريقة التعامل على المنصة يمكنك مشاهدة الفيديو من هنا